जोशी हाइड्रोपावर डेभलपमेन्ट कम्पनीले असोज १९ गते वार्षिक साधारण बोलाएको छ । सभा सेलिब्रेसन हाइट, सुकेधारा काठमाडौंमा बिहान १० बजे सुरु हुनेछ ।
सभामा कम्पनीले हाल कायम चुक्ता पुँजीको १ः०.६५ अनुपात (६५प्रतिशत) मा हकप्रद सेयर निष्कासन गर्ने प्रस्ताव पेश हुनेछ । हकप्रद निष्कासनपश्चात पुँजी वृद्धि हुने भएकाले सोही बमोजिम प्रबन्धपत्र तथा नियमावली संशोधन गर्ने प्रस्ताव पनि रहेको छ ।
साधारण सभामार्फत संस्थापक समूहबाट जना १ र सर्वसाधारण समूहबाट पनि १ जना गरी कुल २ जना सञ्चालकहरुको निर्वाचन गर्ने एजेन्डा गरेको छ । सभा प्रयोजनका लागि कम्पनीले भदौ १८ गते बुक क्लोज गरिसकेको छ । यसर्थ, भदौ १७ गतेसम्म कायम रहेका सेयरधनी मात्र सभामा भाग लिन सक्नेछन् ।
यसअघि भदौ ३१ गते बस्ने भनिएको सभा गणपूरक संख्या नपुगेपछि स्थगित भएको थियो ।
प्रतिक्रिया