सेप्टेम्बर महिनामा मात्रै नेपालमा ९१ हजार १२ जना पर्यटक आएका छन् । नेपाल पर्यटन बोर्डका अनुसार सेप्टेम्बरमा भारत, चीन, अमेरिका, बेलायत, श्रीलंका, बंगलादेशलगाएत विभिन्न देशका ९१ हजार १२ पर्यटकले नेपाल भ्रमण गरेका छन् ।
यी मध्ये सबैभन्दा धेरै भारतबाट २८ हजार ६ सय ९४, चीनबाट ८ हजार १ सय १७ जना, अमेरिकाबाट ७ हजार ३ सय ६४ जना, बङ्गलादेशबाट ३ हजार ७ सय १६ जना, अस्ट्रेलियाबाट ३ हजार ६ सय ८५ जना, बेलायतबाट ३ हजार ६ सय ४० जना र श्रीलङ्काबाट ३ हजार ११ जना पर्यटक नेपाल आएका छन् ।
यसैगरी जर्मनीबाट २ हजार ८५२ जना, साउथ कोरियाबाट २ हजार १८ जना र इजरायलबाट १ हजार ७३४ जना भित्रिएको बोर्डले जनाएको छ ।
यस्तै, जनवरीदेखि सेप्टेम्बर नौ महिना मा ६ लाख ९२ हजार ३ सय ७२ जना पर्यटक नेपाल आएका छन् । यो तथ्यांक कोरोना महामारी अघिको तुलनामा नौ प्रतिशतले कमी हो ।
प्रतिक्रिया