६ करोड नोक्सानीमा सिटी होटल

सिटी होटलले चालु आर्थिक वर्षको पहिलो त्रैमासिक वित्तिय विवरण सार्वजनिक गरेको छ ।

पहिलो त्रैमासमा होटलले ६ करोड ३ लाख ३९ हजार रुपैयाँ नोक्सानी व्यहोरेको छ । अघिल्लो वर्षको यसैअवधिमा होटलले ८ करोड ७५ लाख ५७ हजार रुपैयाँ नोक्सानी व्यहोरेको थियो । सिटी होटलको सञ्चालन आम्दानी बढेसँगै नोक्सानी घटेको हो ।

यसअवधिमा होटलले ११ करोड ५९ लाख ५९ हजार रुपैयाँ सञ्चालन आम्दानी गरेको छ । अघिल्लो वर्षको यसैअवधिमा ९ करोड ९ लाख ६९ हजार रुपैयाँ सञ्चालन आम्दानी गरेको थियो । यस्तै, होटलको वित्तीय लागत भने ९ करोड १ लाख ४४ हजार रुपैयाँ पुगेको छ । अघिल्लो वर्ष यसको वित्तीय लागत ८ करोड १४ लाख ७८ हजार रुपैयाँ थियो ।

असोज मसान्तसम्म आइपुग्दा सिटी होटलको चुक्ता पुँजी १ अर्ब ६७ करोड ४० लाख रुपैयाँ रहेको छ । प्रतिसेयर आम्दानी ३ रुपैयाँ ६० पैसा ऋणात्मक रहेको छ । प्रतिसेयर नेटवर्थ १ सय २ रुपैयाँ छ ।