कोरोना बिमाको रकम भुक्तानी माग गर्दै सर्वोच्चमा रिट

काठमाडौं । नेपाल बीमक संघले कोरोना बिमाको रकम भुक्तानी माग गर्दै सर्वोच्च अदालतमा रिट दायर गरेको छ । संघले सरकारलाई विपक्षी बनाउँदै आइतबार रिट दायर गरेको हो ।

सरकारले यसअघि बीमक संघसँग गरेको सहमतिअनुसार कोरोना बीमा रकम भुक्तानी नगरेको भन्दै संघले सो रकम भुक्तानी गराइ पाउँ भन्दै अन्तरिम आदेश माग गरेको छ । बीमकहरुले कोरोना बिमाको करिब ११ अर्ब रुपैयाँ दाबी भुक्तानी दिन बाँकी छ ।


संघका तर्फबाट महासचिव अशोकुमार खड्काले परमादेशसहितको रिट निवेदन दर्ता गरेका हुन्। सो रिट निवेदनमाथि भदौ २४ गते सोमबार बिहान १० बजे पेशी तोकिएको छ ।