काठमाडौं । एनएलजी इन्स्योरेन्सले वार्षिक साधारण सभा बोलाएको छ । सभा जेठ २९ गते आम्रपाली ब्यांक्वेट चिरबम सडक बालुवाटारमा बिहान ११ बजे सुरु हुनेछ ।
सभाले २.५० प्रतिशत बोनस सेयर र कर प्रयोजनको लागि ०.१३ प्रतिशत नगद लाभांश दिने प्रस्ताव पारित गर्नेछ । त्यस्तै, सभामा कम्पनीको आर्थिक वर्ष २०८०/८१ को वार्षिक प्रतिवेदन, नाफा–नोक्सान तथा नगद प्रवाह विषयमा पनि छलफल हुनेछ ।
आर्थिक वर्ष २०८१/८२ का लागि लेखापरीक्षक नियुक्ति गर्ने र निजको पारिश्रमिक निर्धारण गर्ने अर्को एजेन्डा पनि छ ।
सभा तथा लाभांश वितरण प्रयोजनका लागि कम्पनीले जेठ २२ गते बुक क्लोज गर्ने भएको छ । तसर्थ, सभामा भाग लिन जेठ २१ गतेसम्म सेयरधनी कायम हुनु पर्नेछ ।
प्रतिक्रिया