सेयर बजारमा उच्च अंकको गिरावट, कारोबारमा भने वृद्धि

काठमाडौँ । बुधबार सेयर बजार परिसूचक नेप्से ७४.७३ अंकले घटेर दुई हजार ७७६.३६ विन्दुमा पुगेको छ ।



आज बैंकिङ ३४, विकास बैंक १९६, फाइनान्स ७७, होटल तथा पर्यटन १६०, हाइड्रोपावर ११०, जीवन बीमा २६७, उत्पादन ४१, माइक्रोफाइनान्स १००, निर्जीवन बीमा २५५, अन्य १२० र व्यापार उपसमूह १५७ अंकले घटेको छ ।



आज नेपाल रिइन्स्योरेन्स कम्पनीको सेयर सबैभन्दा धेरै ९.८४ प्रतिशतले घटेको छ । समग्रमा बजार घटेपनि आज रिलायन्स स्पिनिङ मिल्स, सुपर खुदी हाइड्रोपावर, भुजुङ हाइड्रोपावर, रिज लाईन इनर्जी र सूर्य कुण्ड हाइड्रोको सेयर १० प्रतिशतले बढेको छ ।


यस दिन ३४७ कम्पनीको तीन करोड २ लाख कित्ता सेयर १२ अर्ब १० करोडमा कारोबार भएको छ ।