माथिल्लो तामाकोशी जलविद्युत् आयोजनाको सबै युनिटबाट विद्युत् उत्पादन सुरु

काठमाडौँ ।

४५६ मेघावाटको माथिल्लो तामाकोशी जलविद्युत् आयोजनाका सबै युनिटहरु पूर्णरुपमा सञ्चालन भएका छन् । मंगलवार आयोजनाको छैटौं युनिटबाट पनि परीक्षण उत्पादन शुरु भएपछि माथिल्लो तामाकोशी जलविद्युत आयोजनाका सबै युनिटहरु सञ्चालनमा आएको हो ।

यसअघि पहिलो युनिट असार २१ गते, दोस्रो युनिट असार २९ गते, तेस्रो युनिट साउन ८ गते, चौथो युनिट साउन १८ गते तथा पाँचौं युनिट साउन २६ गते सञ्चालन गरिएको थियो ।

आयोजनाबाट उत्पादित विद्युत् केन्द्रीय प्रसारण लाइनमा जोडिएको छ भने अब छैटौं युनिट सञ्चालनमा आएसँगै केहि समय पछि आयोजनाले पूर्ण क्षमतामा व्यावसायिक उत्पादन शुरु गर्ने बताइएको छ ।