जावा मोटरसाइकलको डिलर सुर्खेतमा विस्तार

काठमाडौँ ।

जावा मोटरसाइकलले आफ्नो डिलर विस्तार गरेको छ । नेपालका लागि क्लासिक लिजेन्ड्सको एकमात्र अधिकृत वितरक, अग्नि ग्रुपको सहायक कम्पनी अग्नि मोटोइङ्क प्रालिले वीरेन्द्र नगरपालिका–३ मुलपानी, जुम्ला रोड सुर्खेतमा जावा मोटरसाइकलको नयाँ शोरूम खोलेको छ । बिर्तामोड, धरान, इटहरी, विराटनगर, लहान, पोखरा, नारायणघाट, बुटवल, भैरहवा र नेपालगञ्जका विभिन्न शाखा र डिलरहरू भएका स्थानहरूमा सुलभ रूपमा जावा मोटरसाइकलहरू उपलब्ध गराइसकेपछि सुर्खेतमा नयाँ डिलर नियुक्तिसँगै पूर्ण सुसज्जित शोरूम स्थापना गरेको हो ।

अग्नि मोटोइन्क प्रा.लिका महाप्रबन्धक शरद मिश्रले शोरूमको उद्घाटन गरेका छन् । सो क्रममा उनले भने, “जावा मोटरसाइकल शहर र राजमार्गहरुमा हाँक्नका लागि निकै आनन्ददायक छ । हामीसँग फरक–फरक व्यक्तित्वलाई सुहाउने फरक–फरक मोडलहरू छन उदाहरणका लागि भीडभन्दा बाहिर उभिनबाहेक अरु केही नचाहने तथा आफ्नो मोटरसाइकल आफ्नो रुचिअनुकूल संरचित गर्नका लागि ठूलो पैसा खर्च गर्ने सोचमा हुनेहरूका लागि पेराक एउटा रोचक विकल्पको रूप मा आउँछ भने जावा र जावा फोर्टी–टूले यसअघि नै नै देशभरि तरंग सिर्जना गरिसकेकोे छ ।”

त्यस्तै, एम.पी मोटोहबका प्रबन्ध निर्देशक रोशन तिवारीले भने “हाम्रो थातथलोमा क्लासिक लिजेन्ड्सका जावा मोटरसाइकल ल्याउन पाउँदा हाम्रा लागि गर्वका कुरा हो । हाम्रो सुर्खेत र यसका वरिपरिका क्षेत्रमा मोटरसाइकल प्रेमीहरूका लार्गि यी क्लासिक मोटरसाइकलहरू उपलब्ध गराउन पाउँदा हामी निकै उत्साहित भएका छौं ।”