काठमाडौँ ।
भैरहवास्थित गौतमबुद्ध अन्तर्राष्ट्रिय विमानस्थलमा परीक्षण उडान गर्नका लागि नेपालले ‘एयरपोर्ट अथोरिटी अफ इण्डिया’लाई प्रस्ताव गरेको छ ।
निर्माण सम्पन्न भइसकेको विमानस्थलमा उड्डयन उपकरण तथा उडान विधिको चेकजाँच तथा परीक्षणका लागि विशेष उडान गर्नुपर्ने नेपाल नागरिक उड्डयन प्राधिकरणले जनाएको छ । यो उडान गर्ने जहाजमा विभिन्न प्रकारका परीक्षण गर्ने उपकरणहरु जडान गरिएका हुन्छन् ।
यस परीक्षणबाट नवनिर्मित विमानस्थल प्रयोगमा आउन सक्ने वा नसक्ने कुरा प्रष्ट हुन्छ । यसका लागि अन्य देशबाट उपकरणलगाएत दक्ष विज्ञ आउन सम्भव नभएपछि प्राधिकरणले भारतीय निकायलाई प्रस्ताव गरेको बताइएको छ ।
प्रतिक्रिया