सर्वोच्चद्वारा कुलमानविरुद्धको मुद्दामा अन्तरिम आदेश दिन अस्वीकार

काठमाडौँ ।

सर्वोच्च अदालतले नेपाल विद्युत् प्राधिकरणका कार्यकारी निर्देशक (सीईओ) कुलमान घिसिङको नियुक्तिविरुद्ध परेको रिटमा अन्तरिम आदेश दिन अस्वीकार गरेको छ ।

मंगलबार प्रधानन्यायाधीश चोलेन्द्र शमशेर राणाको एकल इजलासले अन्तरिम आदेश दिन अस्वीकार गरेको हो । निवर्तमान सीईओ हितेन्द्रदेव शाक्यले कुलमानको नियुक्ति अवैधानिक भएको बताउँदै काम गर्न नदिन अन्तरिम आदेश माग गरेका थिए। त्आफूलाई राजनीतिक आडमा हटाइएको भन्दै शाक्यले कुलमानविरुद्ध मुद्दा दायर गरेका थिए ।