लगानीकर्ता र धितोपत्र बोर्डबीच सहमति, ५ दिनभित्र माग सम्बोधन गर्ने

काठमाडौँ ।

केहीदिनदेखि राष्ट्र बैंकका गभर्नर महाप्रसाद अधिकारीको राजीनामासहित विभिन्न माग गर्दै आन्दोलनमा उत्रेका पूँजीबजार सुधार संघर्ष समिति र धितोपत्र बोर्डबीच सहमति भएको छ ।

राष्ट्र बैंकले शेयर धितो कर्जामा १२ करोड सीमा राखेपछि विगत केही दिनदेखि लगानीकर्ताले धितोपत्रबोर्डको कार्यलय अगाडि आन्दोलनका साथै अनसन बस्दै आएका थिए ।

सहमति अनुसार समितिले अघि सारेका मागलाई ५ दिनभित्र नियमअनुसार अघि बढाउने बोर्डले बताएको छ । सम्झौता पश्चात बोर्डले आफ्ना माग सम्बोधन गर्ने पूर्ण विश्वास रहेको समितिले जनाएको छ ।