नयाँ भाडादर कायम गर्न माग राख्दै आन्दोलनमा उत्रिए यातायात व्यवसायी

काठमाडौँ ।

नयाँ भाडादर कायम नभएको जनाउँदै उपत्यकाका यातायात व्यवसायी आन्दोलनमा उत्रिएका छन् । व्यवसायीले उपत्यकाको रिङरोडलगाएतका ठाउँहरुमा रोडमै गाडी तेर्साएर सडक अवरुद्ध गरेका छन् ।

सरकारले यसअघि बढाएको भाडादर समायोजन नगरेको भन्दै आफूहरु आन्दोलनमा उत्रिन बाध्य भएको व्यवसायीले बताएका छन् । रोडमा दर्जनौँ गाडी तेर्साइएका कारण सवारी आवत जावतमा समेत समस्या भएको ट्राफिक प्रहरलिे जनाएको छ । प्रहरीका अनुसार तोकिएको भन्दा बढी भाडा लिने ५१८ गाडीलाई कारवाही गर्न खोजेपछि विरोधमा व्यवसायीहरु आन्दोलनमा उत्रिएका हुन् ।

त्यस्तै, सवारी साधन नचलेपछि दैनिक आवतजावत गर्ने यात्रुहरु मर्कामा परेका छन् ।