काठमाडौं ।
सिटी एक्सप्रेस मनी ट्रान्सफरले ‘सिटी आयो लखपति बनायो’ योजनाअन्तर्गत पहिलो महिनाको पाँच भाग्यशाली विजेताको नाम घोषणा गरेको छ।
सोही योजनाअन्तर्गत पाँच जनाले जनही एक लाख रुपैयाँ जित्न सफल भएको सिटी एक्सप्रेसले जानकारी दिएको छ। कम्पनीले विद्युतीय प्रणालीमार्फत् विजेता छनोट गर्दा जापानबाट रेमिट्यान्स पठाउने अञ्जु घले, साउदीबाट यमलाल भुसाल, कुवेतबाट मीनकुमार श्रेष्ठ र जानुका चौलागाइँ तथा अन्तिममा दुबईबाट रेमिट्यान्स पठाउने उमेश यादव गरी पाँच जना लखपति बन्न सफल भएका छन्।
कम्पनीले दशैं, तिहार र छठ पर्वलाई लक्षित गर्दै आफ्ना ग्राहकवर्गहरुसँग पर्वको खुसी साट्न लगातार ६१ दिनसम्म चल्ने ‘सिटी आयो लखपति बनायो’ उपहार योजना गत भदौ ३१ गते घोषणा गरेको थियो।
सिटी एक्सप्रेसको यो उपहार योजनाअन्तर्गत लक्की ड्रमार्फत् ६१ दिन लगातार हरेक दिन एक जना विजेतालाई १० हजार रुपैयाँ उपहार प्रदान गरिने साथै हरेक महिना पाँच जनालाई एक-एक लाख रुपैयाँ गरी दुई महिनासम्म १० जना लखपति बन्ने योजनामा रहेको जनाएको छ।
प्रतिक्रिया