काठमाडौँ ।
नयाँबानेश्वर- तीनकुने अन्तर्गतको सडकमा ठूलो खाल्डो देखिएको छ ।
सडकको बीचमा खाल्डो देखिएपछि स्थानीयले महानगरीय ट्राफिक प्रहरी प्रभाग कोटेश्वरमा खबर गरेका थिए । सधैँ अस्तव्यस्थ रहने उक्त सडकमा खाल्डो देखिएसँगै दुर्घटना हुनुपूर्व नै प्रहरीले सबै युनिटहरू हाई अलर्ट जारी गरेको थियो ।
प्रहरीका अनुसार सो स्थनमा १५ फिटजतिको गहिरो खाल्डो रहेको जानकारी आएसँगै बेरिकेड्स राखेर सवारीसाधन डाइभर्ट गर्न लगाइएको थियो । त्यसपछि, प्रहरीले सडकको अवस्थाबारे सडक विभागलाई जानकारी गराएको थियो । सूचना पाएसँगै काठमाडौं सडक डिभिजन कार्यालयको एक टोली उक्त स्थानमा पुगेको थियो । सो टोलीले एक्स्काभेटर लगाएर खाल्डोको निरिक्षण गर्दै जाँदा सो स्थानमा झनै ठूलो खाल्डो भेटिँदै गएको थियो ।
टोलीका अनुसार अहिले उक्त स्थानमा झन्डै पाँच मिटर लम्बाइ, चौडाइ र करिब पन्ध्र फिट गहिरो खाल्डो बनेको छ। सो खाल्डो बनेको ठाउँमा प्रतिनिधिसभा भवनबाट आएको ढलको पाइप देखिएको छ । ढल लिकेज भएसँगै माटो गलेपछि पिच रोड भत्किएको हुन सक्ने अनुमान गरिएको छ ।
प्रतिक्रिया