सेञ्चुरी कमर्सियल बैंकको ११ औँ वार्षिक साधारण सभा सम्पन्न भएको छ ।
सभाले गत आर्थिक वर्ष २०७७/७८ को नाफाबाट सेयरधनीलाई ६.०५ प्रतिशत लाभांश दिने प्रस्ताव पारित गरेको छ । यो निर्णयसँगै सेञ्चुरी बैंकको गत असार मसान्तमा कायम ९ अर्ब तीन करोड ४४ लाख २९ हजार ५०२ रूपैयाँमा ५.७५ प्रतिशत रकम बोनस शेयर दिने भएको छ । यस्तो रकमबाट ५१ करोड ९४ लाख ७९ हजार ६ सय ९६ रूपैयाँ बराबरको बोनस शेयर वितरण हुने भएको छ ।
बाँकी ०.३० प्रतिशतले हुन आउने दुई करोड ७३ लाख ४१ हजार ३६ रूपैयाँ भने कर प्रयोजनको लागि दिने प्रस्ताव पारित भएको बैंकले जानकारी दिएको छ । बोनस शेयरपछि यो बैंकको चुक्ता पुँजी ९ अर्ब ५५ करोड ३९ लाख रूपैयाँ हुने भएको छ ।
प्रतिक्रिया