मेरिनाको सुविधा अब घर-घरमा

कोभिडको नयाँ भेरियन्ट ओमिक्रोनको संक्रमण दिन प्रति दिन बढ्दै जाँदा मेरिना इम्पेक्सले आफ्ना ग्राहकहरुको सुविधालाई ध्यानमा राखि अब घरमै बसी बसी मन परेको लुगा सिलाउन सकिने योजना सार्वजनिक गरेको छ ।

बढ्दो कोरोना संक्रमणबाट आफ्ना ग्राहकहरुलाई सुरक्षित गर्ने अभिप्रायले आफुहरुले यस कार्यक्रमलाई अघि सारेको मेरिना इम्पेक्सका निर्देशक अर्जुन बस्नेतले जानकारी दिनुभयो । सरकारले जारी गरेको कोभिड सम्बन्धि नयाँ निर्देशिकालाई पालना गर्दै विवाह र ब्रतबन्धलाई लक्षित गर्दै मेरिनाले यो सुविधा अघि सारेको जनाएको छ ।

यो योजना अन्तर्गत अब ग्राहकले घरमै बसी बसी सुट, पार्टी ड्रेस, विवाहको लुगा आदि सिलाउन सक्नेछन् । जसका लागि मेरिनाले घरमै गएर शरीरको ट्रायल तथा डेलिभरिको समेत सुविधा उपलब्ध गराउने कम्पनीका निर्देशक बस्नेतले बताउनुभयो ।

मेरिनाले हाल न्यूरोड, बागबजार, गाबाहाल (पाटन) र गंगबु शाखाबाट यो सेवा प्रदान गर्दै आइरहेको छ ।