दोस्रो त्रैमासमा १५० प्रतिशतले बढ्यो सिभिल बैंकको खुद नाफा

सिभिल बैंकले चालु आर्थिक वर्ष २०७८\७९ को दोस्रो त्रैमासमा ५० करोड रूपैयाँ खुद नाफा कमाएको छ । गत वर्षको सोही अवधिमा बैँकले भन्दा २० करोड २८ लाख रूपैयाँ खुद नाफा कमाएको थियो । गत वर्षको तुलनामा बैँकको खुद नाफा १५० प्रतिशतले वृद्धि भएको हो । 

यस्तै, बैंकको वितरणयोग्य मुनाफा ६९ करोड ७९ लाख रूपैयाँ रहेको छ । बैकले सार्वजनिक गरेको वित्तिय विवरण अनुसार ईपीएस ११.६६ रूपैयाँ कायम भएको छ भने पीई रेसियो २१.८७ रहेको छ । बैंकको प्रतिसेयर नेटवर्थ १२९.३९ रूपैयाँ छ । बैंकले खुद ब्याज आम्दानी बढाएर १ अर्ब ४६ करोड पुर्‍याएको छ जुन अघिल्लो वर्षको पुस मसान्तसम्म ९३ करोड रूपैयाँ मात्र थियो ।