जाल्पा सामुदायिक लघुवित्तकाे ५ लाख २२ हजार कित्ता आईपीओ निष्काशन

जाल्पा सामुदायिक लघुवित्तले आजदेखि सर्वसाधारणका लागि आईपीओ निष्काशन गरेको छ । कम्पनीले ५ करोड २२ लाख रुपैयाँ बराबरको ५ लाख २२ हजार कित्ता आईपीओ निष्काशन गरेको हो ।

कम्पनीले निष्काशन गरेको सेयरमध्ये ८ हजार कित्ता शेयर कर्मचारी, सर्वसाधारणलाई छुट्याइएको सेयरमध्येको ५ प्रतिशत अर्थात २६ हजार १०० कित्ता सामूहिक लगानी कोषलाई र बाँकी रहेको ४ लाख ८७ हजार ९०० कित्ता सेयरमा सर्वसाधरणले आवेदन दिन सक्नेछन् ।

आईपीओमा माघ २५ गते सोमबारसम्म आवेदन दिन सकिने छ । सर्वसाधारण लगानीकर्ताले आइपिओमा न्यूनतम १० कित्तादेखि ५ हजार २२० कित्तासम्म आवेदन दिनसक्नेछन् ।

इच्छुक लगानीकर्ताले सि–आस्बा सदस्य बैंक तथा वित्तीय संस्था र मेरो शेयरमार्फत आवेदन दिन सकिनेछ।