नारायणी डेभलपमेन्ट बैंकले चालु आर्थिक वर्ष २०७८/७९ को तेस्रो त्रैमासको अपरिष्कृत वित्तीय विवरण सार्वजनिक गरेको छ ।
विवरण अनुसार चैत मसान्तसम्ममा बैंक २१ लाख ९ हजार रुपैयाँ घाटामा रहेको छ । गत आर्थिक वर्षको यसै अवधिमा बैंक ५२ लाख ५४ हजार रुपैयाँ घाटामा रहेको थियो ।
यसैगरी, समिक्षा अवधिसम्म बैंकको खुद व्याज आम्दानी भने ५३ लाख ८३ हजार रूपैयाँ पुगेको छ । गत वर्षको यसै अवधिमा बैंकको खुद व्याज आम्दानी ७ लाख ८५ हजार रूपैयाँ ऋणात्मक रहेको थियो ।
त्यस्तै, बैंकको चुक्ता पुँजी २३ करोड १४ लाख ९२ हजार रुपैयाँ र जगेडा कोषमा १२ करोड ९४ लाख ४९ हजार रुपैयाँ सञ्चित रहेको छ । बैंकको प्रतिसेयर आम्दानी (ईपीएस) २ रूपैयाँ १२ पैसा ऋणात्मक छ । बैंकको प्रतिसेयर नेटवर्थ ६१ रुपैयाँ ७४ पैसा रहेको छ ।
प्रतिक्रिया