काठमाडौं । काठमाडौं महानगरपालिकाले आगामी आर्थिक बर्षका लागि २५ अर्ब ४१ करोड ९६ लाख ९६ हजाररुपैयाँको बजेट ल्याएको छ ।
उपमेयर सुनिता डंगोलले नगरसभामा प्रस्तुत गरेको बजेटमा आन्तरिक आय ११ अर्ब ९५ करोड रुपैयाँ प्राप्त हुने अनुमान छ । यससँगै बैंक मौज्दातसँगै गरी कूल १६ अर्ब ८० करोड आम्दानी हुने अनुमान छ ।
संघ र प्रदेश सरकारबाट महानगरको संचित कोषमा २२ अर्ब ३६ करोड ९५ लाख ४९ हजार रुपैयाँ जम्मा हुनेछ ।
स्थानीय संचित कोषबाट खर्च हुने बाहेक आर्थिक विकास क्षेत्रमा ५० करोड २१ लाख विनियोजन गरिएको छ। जुन कुल बजेटको २.२४ प्रतिशत हुन आउँछ । कार्यालय संचालन तथा प्रशासनिक क्षेत्रका लागि खर्च ४ अर्ब ६८ करोड ९८ लाख रुपैयाँ छुट्याइएको छ । जुन कुल बजेटको २०.९६ प्रतिशत हुन आउँछ ।
महानगरले पूर्वाधार विकासका लागि ११ अर्ब ८ करोड ८९ लाख ३ हजार रुपैया छुट्याइएको छ । जुन कुल बजेट ४९.५७ प्रतिशत हो ।
सामाजिक विकास क्षेत्रका लागि १ अर्ब ६२ करोड २८ लाख २२ हजार रुपैयाँ छुट्याइएको छ । जुन कुल बजेटको ७.२५ प्रतिशत हुन आउँछ ।
सुशासन तथा अन्तरसम्वन्धित क्षेत्रका लागि ४ अर्ब ४६ करोड ५८ लाख ४० हजार रुपैयाँ विनियोजन गरिएको छ । जुन कुल बजेटको १९.९६ प्रतिशत हो।
प्रतिक्रिया