काठमाडौँ महानगरपालिकाले प्रदर्शनी मार्गस्थित फनपार्कलाई कर तिर्न २४ घण्टे अल्टिमेटम दिएको छ ।
बुधबार राजस्व विभागले व्यवसाय, बहाल, मनोरन्जन र विज्ञापन कर तिर्न ताकेता गर्दै फनपार्कलाई पत्राचार गरेको हो ।
‘व्यवसाय कर र बहाल कर सम्बन्धित वडा कार्यालयमा र विज्ञापन तथा मनोरञ्जन कर महानगरको राजस्व विभागमा २४ घण्टा भित्रै बक्यैता र जरिवाना रकम तिर्न जानकारी गराइन्छ ’ पत्रमा उल्लेख छ ।
यसअघि पटक पटक कर तिर्न ताकेता गरे पनि फन पार्कले विगत ७ वर्षदेखि कर नतिरेको महानगरले बताएको छ । महानगरका राजस्व विभाग प्रमुख डा. शिवराज अधिकारीका अनुसार फनपार्कले भोलि बेलुकासम्म बक्यौता कर नतिरे बन्द गरिने छ ।
प्रतिक्रिया