चन्द्रागिरी हिल्स लिमिटेडले चालु आर्थिक वर्षको पहिलो त्रैमासिक वित्तिय विवरण सार्वजनिक गरेको छ ।
विवरण अनुसार कम्पनीले पहिलो त्रैमासमा १ करोड ३१ लाख ७ हजार रुपैयाँ नाफा आर्जन गर्न सफल भएको छ । गत वर्षको यसै अवधिमा कम्पनी २ करोड ३७ लाख ३१ हजार रुपैयाँ घाटामा रहेको थियो ।
असोज मसान्त सम्ममा कम्पनीले १८ करोड ६४ लाख रुपैयाँ सञ्चालन आम्दानी गरको छ । गत वर्षको सोही अवधिमा उक्त आम्दानी ११ करोड १ लाख रुपैयाँ रहेको थियो ।
कम्पनीको चुक्ता पुँजी १ अर्ब ५३ करोड ४० लाख ९१ हजार रुपैयाँ छ । जगेडा कोष भने अझै पनि ३८ करोड १३ लाख रुपैयाँले ऋणात्मक रहेको छ । यसको प्रतिसेयर आम्दानी ८५ पैसा छ । त्यस्तै, प्रतिसेयर नेटवर्थ ७५ रुपैयाँ १४ पैसा रहेको छ ।
प्रतिक्रिया