नाडा अटोमोबाइल्स एशोसिएशन अफ नेपालले माईतीघर मण्डलामा विरोध प्रदर्शन गरेको छ ।
सरकारले विगत आठ महिनादेखि गाडि आयातमा रोक लगाएर अटो व्यवसायलाई नै धरासय बनाउन खोजेको भन्दै अटोमोबाइल व्यवसायीले बिहिबार विरोध प्रदर्शन गरेका हुन् । व्यवसायीले ‘मौद्रिक नीति परिमार्जन गर’, ‘ब्याजदर नियन्त्रण गर’, ‘गरिखान देउ’ जस्ता प्ले कार्ड प्रदर्शन गर्दै विरोध जनाएका छन् ।
नाडाका अध्यक्ष ध्रुव थापाले ५० प्रतिशत नगद मार्जिन मार्जिन हटाउनु पर्ने बताए छन् । उनले गाडी आयात खुला गरे पनि ५० प्रतिशत मार्जिन, ५० प्रतिशतमात्रै फाइनान्सिङ गर्न पाइने व्यवस्थाले अटो व्यवसायीहरु मारमा परेको बताए ।
यस्तै, अटो व्यवसायीले आफ्ना मागहरु पूरा नगरेसम्म आन्दोलन जारी राख्ने चेतावनी समेत दिएका छन् ।
प्रतिक्रिया