भारतबाट बढेर आयो पेट्रोलको मूल्य, डिजेलको घट्यो

भारतबाट पेट्रोलको मूल्य बढेर आएको छ ।

भारतीय आयल कर्पोरेसन (आईओसी) ले नेपाल आयल निगमलाई पठाएको नयाँ मूल्य सूची अनुसार पेट्रोल प्रतिलिटर २ रुपैयाँ ५१ पैसाले बढेर आएको छ । यस्तै, डिजेलको मूल्य भने प्रतिलिटर ३ रुपैयाँ ७० पैसा घटेर आएको छ ।

यसअघि भारतबाट पेट्रोल र डिजलको मूल्य घटेर आएसँगै निगमले पेट्रोल, डिजेल र मट्टीतेल लिटरमा तीन रूपैयाँले घटाएको थियो । हाल पेट्रोल प्रतिलिटर १७५ र डिजेल १७२ रुपैयाँमा बिक्री भइरहेको छ ।