सुनको मूल्य घट्यो, चाँदीको स्थिर

नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज सुनप्रतितोला दुई सय रुपैयाँले घटेर १ लाख ५ हजार रुपैयाँमा कारोबार भइरहेको छ । गत शुक्रबार छापावाल सुन प्रतितोला १ लाख ५ हजार २ सय रुपैयाँमा कारोबार भएको थियो ।

त्यस्तै, अघिल्लो दिन प्रतितोला १ लाख ४ हजार ७ सय रुपैयाँमा कारोबार भएको तेजावी सुनको मूल्य आज १ लाख ४ हजार ५ सय रुपैयाँ कायम गरिएको छ ।

महासंघका अनुसार आज चाँदीको मूल्य भने स्थिर रहेको छ । आज चाँदीको प्रतितोला १३ सय ७५ रुपैयाँमा किनबेच भइरहेको छ ।