आईस्पानको अध्यक्षमा सुधिर पराजुली चयन

इन्टरनेट सेवा प्रदायक संघ नेपाल (आईस्पान) को अध्यक्षमा सुधिर पराजुली चयन भएका छन् ।

आईस्पानको २२ औं साधारण सभाले पराजुलीलाई दोस्रो कार्यकालका लागि अध्यक्ष चयन गरेको हो । सुबिसु केबलनेट प्रालिका अध्यक्ष समेत रहेका पराजुलीको अध्यक्षतामा नयाँ कार्यसमिति गठन भएको छ । नयाँ कार्यसमिति अनुसार उपाध्यक्षमा मनोज अग्रवाल, महसचिवमा नविन कुमार श्रेष्ठ, कोषाध्यक्षमा पुष्कर बडाल र सचिवमा सुरेन क्षेत्री चयन भएका छन् ।

त्यस्तै, कार्यकारी सदस्यहरूमा कमल बास्तोला, सुदीप आचार्य, मधु अमात्य र सुजन थापा रहेका छन् । सल्लाहकारका रुपमा बिनय बोहरा, बिनय साउद र प्रमेश खरेल चयन भएका छन् । प्रमुख कार्यकारी अधिकृतमा सुभास खड्का रहेका छन् भने फंग्सनल कमिटी सदस्यहरूमा बृजेश पालिखे, रमेश काफ्ले र आशिष श्रेष्ठ छन् ।