एलन मस्क पुनः विश्वको सर्वाधिक धनी व्यक्ति बनेका छन् । ब्लूमबर्ग बिलिनियर्स इन्डेक्सका अनुसार मस्कले फ्रान्सका बेर्नार्ड अर्नाल्टलाई पछि पार्दै फेरी विश्वको धनी व्यक्ति बनेका हुन् ।
मस्क १ खर्ब ८७ अर्ब डलर नेटवर्थसहित ब्लुमबर्गको अर्बपतिहरुको सूचीमा फेरि पहिलो नम्बरमा फर्किएका हुन् । सोमबारमात्रै टेस्लाको सेयर भाउ ५.४६ प्रतिशतले वृद्धि हुँदा मस्कको सम्पति ६.९८ अर्ब डलरले बढेको थियो ।
यसअघि गत डिसेम्बरमा मस्कलाई उछिन्दै सर्वाधिक धनी व्यक्तिको सूचीको पहिलो स्थानमा परेका आर्नल्ट अहिले दोस्रो स्थानमा पुगेका छन् । लुई भिटनका मालिक बर्नार्ड आर्नल्ट १ खर्ब ८५ अर्ब डलर नेटवर्थसहित दोस्रो स्थानमा पुगेका हुन् ।
प्रतिक्रिया