सुनचाँदीको मूल्य घट्यो, तोलाको कति ?

नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ५ सय रुपैयाँले घटेर १ लाख १ हजार रुपैयाँमा कारोबार भइरेहेको छ । त्यस्तै, तेजावी सुनको मूल्य तोलाको १ लाख ५ सय रुपैयाँ कायम गरिएको छ ।

मंगलबार छापावाल सुन तोलाको १ लाख १ हजार ५ सय रुपैयाँमा कारोबार भएको थियो भने तेजावी सुन प्रतितोला १ लाख १ हजार रुपैयाँमा कारोबार भएको थियो ।

महासंघका अनुसार आज चाँदीको मूल्य पनि तोलामा ५ रुपैयाँले घटेर १२ सय २० रुपैयाँमा किनबेच भइरहेको छ ।