१० खर्बको वस्तु आयात हुँदा एक खर्बको निर्यात

चालु आर्थिक वर्षको आठ महिनामा १० खर्ब ५८ अर्ब ३८ करोड रुपैयाँ बराबरको वस्तु आयात भएको छ भने १ खर्ब ४ अर्ब ७९ करोड रुपैयाँ बराबरको वस्तु निर्यात भएको छ ।

गत वर्षको सोही अवधिको तुलनामा आयात १९.१३ प्रतिशतले घटेको हो । यस्तै, निर्यात २९ प्रतिशत कम हो ।

भन्सार विभागले सार्वजनिक गरेको गत फागुन मसान्तसम्मको तथ्यांकअनुसार मुलुकको व्यापार घाटा ९ खर्ब ५३ अर्ब ५८ करोड रुपैयाँ बराबर पुगेको छ। गत वर्ष यसै अवधिमा ११ खर्ब ६० अर्ब ९८ करोड रुपैयाँ बराबरको व्यापार घाटा भएको थियो ।