एनआईसी एसिया लघुवित्त वित्तीय संस्थाले साधारण सभा डाकेको छ । लघुवित्तले बैशाख १० गते सुनसरीको धरानस्थित होटेल गजुरमा बिहान ९ बजे सभा डाकेको हो ।
सभामा गत आर्थिक वर्षको मुनाफाबाट १४.७५ प्रतिशत नगद लाभांश वितरण गर्ने विशेष प्रस्ताव पेश हुने छ। यस्तै, संस्थापक एनआईसी एसिया बैंकको सञ्चालक समितिबाट मनोनित प्रतिनिधि सञ्चालकहरु सन्तोषकुमार राठी र दिनेश भारीलाई बाँकी कार्यकालका लागि सञ्चालक नियुक्त गर्ने निर्णय अनुमोदन गर्नेछ।
यसका साथै आर्थिक वर्ष २०७८/७९ को प्रबन्धपत्र र नियमावलीमा समसामयिक थप वा संशोधन गर्ने विशेष प्रस्ताव छलफल हुनेछ। आर्थिक वर्ष २०७९/८० को एजेन्डा भने लेखापरीक्षक नियुक्ति गर्ने र पारिश्रम निर्धारण गर्ने छ।
संस्थाले सभाको लागि वैशाख १ गतेदेखि वैशाख १० गतेसम्म बुक क्लोज गर्ने भएको छ। यस अनुसार चैत ३० गतेसम्म कायम सेयरधनीहरुमात्रै यस संस्थाको लाभांश प्राप्त गर्ने र सभामा भाग लिन पाउने छन्।
प्रतिक्रिया