माईखोला हाइड्रोपावरको आइपीओ बाँडफाँट

माईखोला हाइड्रोपावर लिमिटेडको आइपीओ बाँडफाँट भएको छ । गोलाप्रथामार्फत भएको बाँडफाँटमा १ लाख २६ हजार ९४१ जनाले १० कित्ताका दरले सेयर पाएका छन् । त्यसमध्ये एक जनाले थप एक कित्ता सेयर पाएका छन् ।

कम्पनीले ८ वैशाख देखि १२ वैशाखसम्म सर्वसाधारणलाई १२ लाख ६९ हजार ४११ कित्ता सेयर निष्कासन गरेको थियो । कम्पनीको आईपीओमा १३ लाख ६३ हजार २६६ आवेदकले १ अर्ब ५१ करोड ६५ लाख ८३ हजार रुपैयाँ बराबरको १ करोड ५१ लाख ६५ हजार ८३० कित्ता सेयरको लागि आवेदन दिएका थिए । जसमध्ये ८९ हजार ८३० जनाको आवेदन रद्द भएको थियो ।