सुनको मूल्यमा फेरि नयाँ रेकर्ड कायम, तोलाकै १ लाख १३ हजार ३ सय पुग्यो

सुनको मूल्यले फेरि नयाँ रकर्ड कायम गरेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ८ सयले बढेर १ लाख १३ हजार ३ सय पुगेको छ ।

बिहीबार सुनको मूल्य ५ सय रुपैयाँले बढेर १ लाख १२ हजार ५ सयमा कारोबार भएको थियो । त्यस्तै आज तेजाबी सुनको मूल्य १ लाख १२ हजार ७ सय ५० रुपैयाँ कायम गरिएको छ । महासंघका अनुसार आज चाँदी पनि प्रतितोला २५ रुपैयाँले बढेको छ ।

बिहीबार प्रतितोला १ हजार ४ सय १० रुपैयाँमा कारोबार भएको चाँदीको आज १ हजार ४ सय ३५ रुपैयाँमा किनबेच भइरहेको छ ।