तोलामा ३ सय रुपैयाँले घट्यो सुनको मूल्य, चाँदीको स्थिर

नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ सय रुपैयाँले घटेर एक लाख १२ हजार २ सय रुपैयाँमा कारोबार भइरहेको छ । त्यस्तै, तेजावी सुन प्रतितोला एक लाख ११ हजार ६५० रुपैयाँ कायम भएको छ ।

महासंघका अनुसार आज चाँदी भने स्थिर रहेको छ । शुक्रबार प्रतितोला १ हजार ४८० रुपैयाँमा कारोबार भएको चाँदी आज पनि सोही मूल्यमा किनबेच भइरहेको छ ।