घट्यो सुनचाँदीको मूल्य, तोलाको कति ?

नेपाली बजारमा आज सुनको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक सय रुपैयाँले घटेर १ लाख ७ हजार ९०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ७ हजार ४०० रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा २० रुपैयाँले घटेर १३ सय ४० रुपैयाँमा किनबेच भइरहेको छ । आइतबार चाँदी प्रतितोला १३ सय ६० रुपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस १ हजार ८४४.०३ डलर र चाँदी प्रतिऔंस २१.८३ डलरमा कारोबार भइरहेको छ ।