प्रतितोला ७ सय रुपैयाँले घट्यो सुनको मूल्य

नेपाली बजारमा आज सुनको मूल्य घटेको छ ।

नेपाल सुनचाँदी व्यवासायी महासंघका अनुसार आज छापावाल सुन प्रतितोला ७०० रुपैयाँले घटेर १ लाख १८ हजार ८०० रुपैयाँमा कारोबार भइरहेको छ । त्यस्तै, आज तेजावी सुनको मूल्य प्रतितोला १ लाख १८ हजार २५० रुपैयाँ कायम भएको छ ।

महासंघका अनुसार आज चाँदीको मूल्य पनि प्रतितोला ५ रुपैयाँले घटेर १४ सय १५ रुपैयाँमा किनबेच भइरहेको छ ।

अन्तर्राष्ट्रिय बजारमा आज सुन प्रतिऔंस २ हजार ३६.५४ डलर र चाँदी प्रतिऔंस २३.०५ डलरमा कारोबार भइरहेको छ ।