काठमाडौँ । महालक्ष्मी विकास बैंकले महिला उद्यमीहरूलाई सार्वजनिक यातायातको क्षेत्रमा विद्युतीय सवारीको माध्यमबाट महिला सशक्तीकरण गर्ने अभियान सुरु गरेको छ । बैंकले ‘हरित परिवहनको माध्यमबाट महिला सशक्तीकरण’ भन्ने मूल नाराका साथ धुलिखेल नगरपालिकाका विभिन्न महिला उद्यमीहरुलाई विद्युतीय सवारीको साँचो हस्तान्तरण गरेको छ ।
पर्यावरणमैत्री यातायातको बढ्दो माग र आवश्यकतालाई सम्बोधन गर्न अन्य स्थानीय तहहरूमा समेत बैंकले हरित कर्जाअन्तर्गत यस्तो अभियान थप विस्तार गर्दै जाने प्रतिबद्धता व्यक्त गरेको छ ।
विगत २९ वर्षदेखि बैंकिङ सेवा दिँदै आइरहेको महालक्ष्मी विकास बैंकले हाल देशभर रहेका आफ्ना १०३ शाखा कार्यालयहरूमार्फत करिब ७ लाख ग्राहकलाई वित्तीय सेवा प्रदान गरिरहेको छ ।
प्रतिक्रिया