काठमाडौं । चन्द्रागिरी हिल्स लिमिटेडले चालु आर्थिक वर्षको तेस्रो त्रैमाससम्म १० करोड ७९ लाख रुपैयाँ नाफा कमाएको छ ।
गत वर्षको यसै अवधिको तुलनामा कम्पनीको नाफा ३८.८१ प्रतिशतले बढेको हो । गत वर्ष कम्पनीले ७ करोड ७७ लाख रुपैयाँ नाफा कमाएको थियो ।
यस्तै, कम्पनीको सञ्चालन आम्दानी बढेर ६९ करोड ७३ लाख रुपैयाँ पुगेको छ । अन्य आम्दानी पनि ४४ लाख रुपैयाँबाट बढेर ८६ लाख पुगेको छ । कम्पनीको वित्तीय खर्च २० करोड ६६ लाखबाट घटेर १८ करोड २९ लाख कायम भएको छ ।
चुक्ता पुँजी १ अर्ब ५३ करोड ४० लाख ९१ हजार रुपैयाँ रहेको छ । कम्पनीको जगेडा कोष भने १२ करोड २२ लाख रुपैयाँले ऋणात्मक छ भने प्रतिसेयर आम्दानी पनि ५ रुपैयाँ ७ पैसाबाट बढेर ७.०३ पैसा कायम भएको छ ।
यसको प्रतिसेयर नेटवर्थ ९२ रुपैयाँ ०३ पैसा छ ।
प्रतिक्रिया