काठमाडौँ । प्रभु इन्स्योरेन्सको अध्यक्षमा राजेन्द्र मल्ल चयन भएका छन् । इन्स्योरेन्सको २८ औं वार्षिक साधारणसभाले मल्ललाई अध्यक्षमा चयन गरेको हो ।
मल्ल निर्जिवन बीमा व्यवसायी संघका अध्यक्ष समेत हुन् ।
यस्तै, इन्स्योरेन्सको सदस्यमा सञ्चालक तर्फबाट मिजास भट्टचन, राहुल ठोकर लामा र शान्ता गौतम चयन भएका छ । यस्तै सर्वसाधरण सेयरधनीका तर्फबाट रामेश्वर सापकोटा र साङगे लामा चयन भएको छ ।
नेपाल चेम्बर अफ कमर्सका निर्वतमान अध्यक्ष समेत रहेका मल्ल निर्जिवन व्यवसायको क्षेत्रमा लामो समयदेखि संलग्न छन् । उनले अन्य विभिन्न व्यवसायीक संघ, संस्था तथा कम्पनीको नेतृत्व समेत गर्दै आइरहेका छन् ।
प्रभु इन्स्योरेन्सको व्यवसायिक क्षमता अभिवृद्धिका लागि आफ्नो कार्यकालमा थप योजना अघि बढाउने अध्यक्ष मल्लले बताए । निर्जिवन बीमा क्षेत्रमा जनचेतना अभिवृद्धि एवं व्यवसायिक हितका लागि आफुले पहल गर्ने अध्यक्ष मल्लको भनाई छ ।
प्रतिक्रिया