विदेशी मुद्रा सञ्चित २० खर्ब ४१ अर्ब

काठमाडौं । गत आर्थिक वर्षको असार मसान्तसम्ममा विदेशी मुद्रा सञ्चित २० खर्ब ४१ अर्ब रूपैयाँ पुगेको छ ।

अघिल्लो वर्ष १५ खर्ब ३९ अर्ब ३६ करोड रुपैयाँ रहेको विदेशी मुद्रा सञ्चित गत वर्ष ३२.६ प्रतिशतले वृद्धि भएको हो ।

अमेरिकी डलरमा यस्तो सञ्चिति ३०.४ प्रतिशतले वृद्धि भई १५ अर्ब २७ करोड कायम भएको छ । डलरको आधारमा पनि हालको सञ्चिति ऐतिहासिक उच्च हो।

कुल विदेशी मुद्रा सञ्चितमध्ये राष्ट्र बैंकमा १८ खर्ब ४८ अर्ब ५५ करोड छ ।

राष्ट्र बैंकका अनुसार मुलुकमा रहेको विदेशी मुद्राको सञ्चितिले १३ महिनाको वस्तु तथा सेवाको आयात धान्न सक्छ।