काठमाडौं । मारुती सिमेन्ट्स लिमिटेडले लाभांश घोषणा गरेको छ । कम्पनीले गत आर्थिक वर्षको मुनाफाबाट आफ्ना सेयरधनीलाई ४ प्रतिशत नगद लाभांश दिने घोषणा गरेको हो ।
यसका लागि कम्पनीले कात्तिक ११ गते साधारण सभा बोलाएको छ । सभा कम्पनीको रजिष्टर्ड कार्यालय, विराटनगरमा बिहान सढे ११ बजे सुरु हुनेछ । सभामा ४ प्रतिशत नगद लाभांश दिने प्रस्ताव पेश हुनेछ ।
साथै, सभामा आर्थिक वर्ष २०८०/८१ को सञ्चालक समितिको वार्षिक प्रतिवेदन, वासलात, नाफा नोक्सानलगायतका विषयमा छलफल हुनेछ ।
त्यस्तै, आर्थिक वर्ष २०८१/८२ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ । कम्पनीले ३७७ रुपैयाँका दरले १ करोड १६ लाख कित्ता आइपीओ बिक्रीका लागि नेपाल धितोपत्र बोर्डसँग अनुमति मागेको छ ।
प्रतिक्रिया