१५.९३ अंकले घट्यो सेयर बजार, ८ अर्ब ३६ करोडको कारोबार

काठमाडौँ । बिहिबार सेयर बजार परिसूचक नेप्से १५.९३ अंकले घटेर दुई हजार ७३४.९३ विन्दुमा पुगेको छ ।

बैंकिङ १४, विकास बैंक ६३, फाइनान्स ९६, होटल तथा पर्यटन २५८, अन्य ९, हाइड्रोपावर ३२, माइक्रोफाइनान्स ५८, उत्पादन ७७ र निर्जीवन बीमा उपसमूह २५ अंकले घटेको छ ।
त्यस्तै, आज जीवन बीमा १०८ र ब्यापार उपसमूह १७९ अंकले बढेको छ ।


आज सर्पोट माइक्रोफाइनान्स वित्तिय संस्थाको सेयर सबैभन्दा धेरै ८.३७ प्रतिशतले घटेको छ । समग्रमा बजार घटे पनि आज खानीखोला हाइड्रोपावरको सेयर ९.९८ प्रतिशतले बढेको छ ।




यस दिन ३०७ कम्पनीको एक करोड ६७ कित्ता सेयर ८ अर्ब ३६ करोडमा कारोबार भएको छ ।