दोहोरो अंकले बढ्यो सेयर बजार, कारोबारमा भने गिरावट

काठमाडौँ । बिहिबार सेयर बजार परिसूचक नेप्से १४.२१ अंकले बढेर दुई हजार ९५०.१६ विन्दुमा पुगेको छ ।




आज बैंकिङ ५, फाइनान्स ४ होटल तथा पर्यटन ६२, हाइड्रोपावर ६२, उत्पादन १५६, माइक्रोफाइनान्स १०, निर्जीवन बीमा ५० र अन्य उपसमूह १५ अंकले बढेको छ। त्यस्तै, आज विकास बैंक ३, जीवन बीमा ५ र व्यापार उपसमूह १२१ अंकले घटेको छ ।


आज रिलायन्स स्पिनिङ मिल्स, सुपर खुदी हाइड्रोपावर, होटल फरेस्ट इन, सोलु हाइड्रोपावर र भुजुङ हाइड्रोपावरको सेयर १० प्रतिशतले बढेको छ ।

 समग्रमा बजार बढेपनि आज पञ्चकन्या माई हाइड्रोपावरको सेयर ७.४८ प्रतिशतले घटेको छ ।


यस दिन ३४३ कम्पनीको तीन करोड ४ लाख कित्ता सेयर १३ अर्ब १६ करोडमा कारोबार भएको छ ।