काठमाडौं । धनगढी उपमहानगरपालिकाका मेयर गोपाल हमाल (गोपी)को नयाँ दिल्लीस्थित म्याक्स अस्पतालमा उपचार सुरु भएको छ । चिकित्सकहरुले पहिलो ४८ घन्टा निगरानीमा राखिन थप उपचार अघि बढाउने भएका छन् ।
नगर प्रमुख गोपाल हमालका भाइ श्याम हमालले दिएको जानकारी अनुसार अहिले दिल्लीको साकेतस्थित म्याक्स अस्पतालको न्युरोइन्टेन्सिभ केयर आईसीयू र स्ट्रोक युनिटमा नगर प्रमुखको उपचाररत भइ रहेको छ ।
उपचारको क्रममा चिकित्सकहरूले विभिन्न परीक्षणहरू गरिरहेका छन् भने डाक्टरहरूले उनलाई ४८ घण्टा निगरानीमा राखी त्यसपछि आगामी उपचार प्रक्रिया निर्धारण गर्ने जानकारी दिएका छन् ।
शनिबार धनगढीको माया मेट्रो अस्पतालबाट हमाललाई दिल्ली लगिएको हो ।
प्रतिक्रिया