काठमाडौं, साउन ५ – सिटी होटेल लिमिटेडले हाल कायम चुक्ता पुँजीमा आधारित हकप्रद शेयर निष्कासनको लागि नेपाल धितोपत्र बोर्ड (सेबोन) बाट स्वीकृति प्राप्त गरेको छ। कम्पनीले १:०.८० को अनुपातमा हकप्रद शेयर जारी गर्न लागेको हो।
कम्पनीको हालको चुक्ता पुँजी रु. १ अर्ब ६७ करोड ४० लाख रहेको छ। सोही अनुपातअनुसार कम्पनीले १३ लाख ३९ हजार २ सय कित्ता साधारण हकप्रद शेयर जारी गर्नेछ। हकप्रद शेयरको अङ्कित मूल्य प्रतिकित्ता रु. १०० रहेको छ।
कुल रु. १३ करोड ३९ लाख २० हजार बराबरको हकप्रद शेयर निष्कासनका लागि तयार गरिएको विवरणपत्रलाई सेबोनले आइतबार (साउन ४ गते) स्वीकृति दिएको हो।
अब कम्पनीले शेयर निष्कासन तथा बिक्री प्रबन्धकको सहायतामा प्रक्रिया अघि बढाउनेछ। लगानीकर्ताहरूका लागि यसलाई थप अवसरका रूपमा लिइएको छ।
प्रतिक्रिया