काठमाडौं । जल तथा मौसम विज्ञान विभागका अनुसार देशका केही भूभागमा बुधवार वर्षाको सम्भावना छ । दिउँसो देशभर साधारणतया बदली रहनेछ ।
विभागका अनुसार आज हल्कादेखि भारी वर्षाको सम्भावना छ ।
लुम्बिनी प्रदेशलगायत देशका पहाडी भूभागका केही स्थानमा र तराई भूभागका थोरै स्थानमा मध्यम वर्षाको सम्भावना छ ।
विभागले राति कोसी र मधेस प्रदेशलगायत देशको पहाडी भूभागमा साधारणतया बदली रहने बताएको छ । बाँकी भूभागमा आंशिक बदली रहनेछ ।
कोसी, मधेस, वाग्मती र गण्डकी प्रदेशका केही स्थानमा तथा बाँकी प्रदेशका पहाडका थोरै स्थानमा र बाँकी भूभागका एकदुई स्थानमा मध्यम वर्षाको सम्भावना छ ।
कोसी प्रदेशको तराई र वाग्मती प्रदेशका पहाडको एकदुई स्थानमा भारी वर्षाको पनि सम्भावना छ ।
हाल मनसुनको न्यूनचापीय रेखा सरदर स्थानभन्दा दक्षिणतिर अवस्थित छ ।
प्रतिक्रिया