काठमाडौं । पूर्वसचिव भीम उपाध्याय र स्वास्थ्यसचिव यादव कोइरालाबीचको ट्वीटरमा भइरहेको जुहारीलाई अर्का पूर्वसचिव कृष्ण ज्ञवालीले अशिष्टको संज्ञा दिएका छन् ।
पूर्वसचिव उपाध्यायले आइतबारसम्म स्वास्थ्यसचिव कोइरालालगायत उच्च अधिकारीहरु पदमुक्त हुने ट्वीटमा जवाफ दिँदै सचिव कोइरालाले मेलम्चीमा भ्रष्टाचार गरेको आरोप लगाएका थिए ।
यो पनि हेर्नुहोस्……..
स्वास्थ्यसचिव कोइरालाले पूर्वसचिव उपाध्यायलाई भने: तपाइँजस्तो अहंकारी अपराधी म हैन !
यसलाई जीडीपीनेपाल लगायतका मिडियाले समाचार बनाएपछि प्रशासनिक वृत्तमा हलचल मच्चिएको थियो ।
पूर्वसचिव ज्ञवालीले शनिबार राति ट्वीट गर्दै दुवैको भाषा र शैलीप्रति दुःख व्यक्त गरेका छन् । उनले ट्वीटरमा भनेका छन्ः
सुत्ने बेलामा ट्वीटर खोलेको दुइजना (पूर्व र वर्तमान) सचिवको अशोभनीय जुहारीमा दृष्टि पुग्यो । अति नमज्जा लाग्यो । विषयको उठान, भाषा, शैली, मर्यादा सब अशिष्ट । संयम, शिष्टता र स्वअनुशासन गायब । उच्च पदमा आसीन भइरहेको र भइसकेको व्यक्तिले गर्ने सार्वजनिक सम्वादको शैली यस्तो ।
प्रतिक्रिया