काठमाडौं । नेपाल उद्योग वाणिज्य महासंघ अन्तर्गत महिला उद्यमी विकास समितिकी सभापति कमला श्रेष्ठलाई आसियान युनिभर्सिटी इन्टरनेशनलले मानार्थ विद्यावारिधी उपाधि प्रदान गरेको छ ।
मलेसियामा हालै आयोजित समारोहमा व्यवसायी श्रेष्ठलाई ‘डिग्री अफ डक्टर अनरिज काउजा (डा. एचसी)’ प्रदान गरियो ।
आसियान युनिभर्सिटी इन्टरनेशनल युरोपियन एशोसिएसन फर हाइअर एजुकेसन एडभान्समेन्ट (ईएएचईए)सँग आवद्ध विश्वविद्यालय हो ।
विश्वविद्यालयले व्यवसायी कमला श्रेष्ठले निर्वाह गरेको सामाजिक उत्तरदायित्व, जिम्मेवारी बहन तथा आफ्नो पेशा व्यवसायमा वैज्ञानिक पद्धतिलाई अंगिकार गरेको भन्दै यो अवार्ड प्रदान गरेको हो ।
आसियान युनिभर्सिटी इन्टरनेशनलका अध्यक्ष प्राध्यापक डा. सुहेन्दर एसइएसएच र चान्सलर प्राध्यापक डा. सर म्यानुअल फियरी ग्रय्याबल वाई नूजले हस्ताक्षर गरेको मानार्थ विद्यावारिधी प्रमाणपत्र श्रेष्ठलाई विशेष समारोहबीच प्रदान गरिएको छ ।
नेपाल उद्योग वाणिज्य महासंघको कार्यकारिणी समिति सदस्य श्रेष्ठ सौंदर्यकला व्यवसायी संघ, नेपालकी अध्यक्ष समेत हुन् । उनले महिला उद्यमशीलता विकास र आत्मनिर्भरताका लागि दशकौंदेखि सक्रिय रुपमा काम गर्दै आएकी छन् ।
प्रतिक्रिया