काठमाडौँ । आइतबार सेयर बजार परिसूचक नेप्से ३१.१२ अंकले बढेर २ हजार ६ सय ७२.५५ विन्दुमा पुगेको छ ।
आज २२४ कम्पनीको सेयरमूल्य बढेको छ भने ३१ कम्पनीको सेयर घटेको छ। त्यस्तै, पाँच कम्पनीको सेयर स्थिर रहेको छ ।
सागर डिस्टिलरी, उन्नति सहकार्य लघुवित्त, श्रीनगर एग्रिटेक र गोर्खाज फाइनान्सको सेयरमूल्य १० प्रतिशतले बढेको छ । यस्तै, थ्री स्टार हाइड्रोपावरको मूल्य सबैभन्दा धेरै ८.७८ प्रतिशतले घटेको छ ।
यसदिन ३३८ कम्पनीको एक करोड ६६ लाख ११ हजार कित्ता सेयर ८ अर्ब ४० करोड रूपैयाँमा कारोबार भएको छ ।
प्रतिक्रिया