काठमाडौं । नेपालमा पश्चिमी वायुको आंशिक प्रभाव रहेको जल तथा मौसम विज्ञान विभागले जनाएको छ ।
जसका कारण देशका केही स्थानमा आज आंशिक बदली भए पनि मुख्यतया मौसम सफा रहनेछ ।
विभागका अनुसार दिउँसो तराई भूभागका केही स्थानमा हुस्सु र कुहिरो लाग्नेछ ।
कोसी, गण्डकी र कर्णाली प्रदेशको उच्च पहाडी तथा हिमाली भूभागमा आंशिक बादल लाग्नेछ । बाँकी भूभागमा मौसम मुख्यतया सफा रहनेछ ।
विभागले राति तराई भूभागका केही स्थानमा हुस्सु रहने बताएको छ । पहाडी तथा हिमाली भूभागमा मौसम मुख्यतया सफा रहनेछ ।
यता, काठमाडौँ उपत्यकाको सुरुवाती न्यूनतम तापक्रम हिजोभन्दा केही बढेको छ ।
मौसम पूर्वानुमान महाशाखाका अनुसार आजको न्यूनतम तापक्रम ५ डिग्री सेल्सियस छ।
हिजो (आइतबार) काठमाडौँको न्यूनतम तापक्रम ४.२ डिग्री सेल्सियस थियो। सुरुवाती मापनमा भने ४.७ डिग्री सेल्सियस थियो।
प्रतिक्रिया