काठमाडौं । झापामा बालेन शाहको क्रेज बढिरहँदा राष्ट्रिय स्वतन्त्र पार्टी (रास्वपा) सभापति रवि लामिछानेलाई भने सहकारी ठगीको मुद्दाले लखेटेको छ ।
चितवन २ मा तामझामसहित उम्मेदवारी दर्ता गराउने योजनामा जिल्ला अदालत पर्साले धक्का लगाइदिएको छ । सहकारी ठगी मुद्दामा जिल्ला अदालत पर्साले १ करोड धरौटी माग गरेसँगै रवि वीरगन्जमा केहीबेर रोकिएर चितवन हानिएका छन् ।
अदालतका अनुसार सानो पाइला बचत तथा ऋण सहकारी संस्थाको रकम अपचलन अभियोगमा लामिछानेसहित २९ जनाविरुद्ध मुद्दा दायर भएको थियो ।
उक्त मुद्दामा न्यायाधीश रुद्र सुवेदीको एकल इजलासले धरौटी माग गर्ने निर्णय भएको हो ।
मनोनयन दर्ता गर्ने दिन नै लामिछाने जिल्ला अदालतमा तारेखका लागि पुगेका थिए । लामिछानेले केहीबेरमा चितवनमा उम्मेदवारी दर्ता गर्ने भएका छन् ।
मनोनयन शुल्क भने १० हजार रुपैयाँमात्र लाग्नेछ ।
प्रतिक्रिया